ताजा खबर

पर्वतका हितकाजी गुरुङ तमू धीं युकेको अध्यक्षमा निर्वाचित

   २९ मंसिर २०७७, सोमबार १६:४०      750 views

तमू धीं युकेको अध्यक्षमा हितकाजी गुरुङ निर्विरोध निर्वाचित हुनुभएको छ । उहाँसंगै २९ जनाको कार्यसमिति निर्वाचित भएका छन् ।

तमू धीं युकेको २०औं साधारणसभा तथा ११औं महाधिवेशनले अध्यक्षमा हितकाजी गुरुङसहित २९ जना सर्वसम्मत निर्वाचित गरेको हो ।


निर्वाचन समितिले भने यसको औपचारिक घोषणा २० डिसेम्बरको दिन सार्वजनिक गर्ने जनाएको छ । नयाँ कार्यसमितिले ल्होसारको दिनमात्रै आफ्नो पदभार ग्रहण गर्ने चलन रहेको तमू धीं युकेले जनाएको छ ।


लण्डनबाट प्रकाशित गोर्खा मिडियाका अनुसार निर्वाचन समितिले दिएको समयअवधिमा अध्यक्ष हितकाजी गुरुङको मात्रै उम्मेदवारी परेकोले उहाँ निर्विरोध निर्वाचित हुनुभएको हो । निर्वाचन समितिले अन्तिम मनोनयन पत्र सार्वजनिक गरे अनुसार २९ जनाकै कार्यसमिति निर्विरोध भएको हो ।


नेपालका विभिन्न ठाउँबाट स्थायी र अस्थायी रुपमा बेलायतमा गएर बसेका गुरुङहरुको साझा संस्था तमू धीं युकेले मातृभूमि नेपालको स्वास्थ्य, शिक्षा, रोजगार तथा विभिन्न परोपकारी कार्यमा सहयोग पु¥याउँदै आएको तमु धीं का सल्लाहकार एकेन्द्र गुरुङले बताउनुभयो ।


सन् १९९० मा अनऔपचारिक रुपमा स्थापना भएको तमू धी युके सन् २००० मा विधिवत अर्थात औपचारिक रुपमा स्थापना भएको हो । स्थापनाकालदेखि विभिन्न पदमा रहेर हितकाजी गुरुङले सेवा गर्दै आउनुभएको छ ।


संस्थाको स्थापनाको सुरुवातमै सचिव भएर काम गर्नुभएका उहाँले संस्थाको कोषाध्यक्ष, उपाध्यक्ष र बीचमा ८ बर्ष सल्लाहकारको रुपमा रहेर सेवा गर्नुभएको थियो । पछिल्लो ४ कार्यकाल उहाँ उपाध्यक्ष, वरिष्ठ उपाध्यक्ष हुँदै अहिले अध्यक्षमा सर्वसम्मत निर्वाचित हुनुभएको हो ।


पुरानो घर पर्वत भई हाल अल्डरसट युके निवासी हितकाजी गुरुङ सरल तथा हाँसिलो स्वभावको रुपमा चिनिनुहुन्छ ।

0 0 votes
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54
Happy New Year

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: