अब लेकाली चुलोसँगै लेकाली कफिसप पनि सञ्चालनमा

आजबाट पोखराको अमरसिंहचोकमा रहेको होटल टाक्स तथा लेकाली चुलोघरले आफनै कफिसप सञ्चालनमा ल्याएको छ ।

लेकाली कफि जुस एण्ड बेकरी नाम दिएको उक्त कफिसपको आज गण्डकी प्रदेशका प्रमुख अमिक शेरचनले केक काटेर शुभारम्भ गर्नुभयो ।

सो अवसरमा उहाँले गुरुङको छोराले कफिसप बेकरी खोल्नु नयाँ पेशा भएको भन्दै यहाँ पश्चिमाहरुले मात्रै मन पराउने परिकार मात्र नभई आफनो गुरुङ पना आउने कोदोको परिकारहरुलाई पनि बेच्नुपर्ने बताउनुभयो ।

एउटै भवनबाट आफनै होटल, रेष्टुरेन्ट, खाना सबै परिकारहरु बिक्री गर्दै आएता पनि कफिसपको अभाव महसुश भएपछि अहिले कफिसप पनि सञ्चालनमा ल्याएको सञ्चालक मिनराज गुरुङले बताउनुभयो । करिब ३० लाखको लागतमा सो कफिसप सञ्चालनमा आएको हो ।