ताजा खबर

तीन वर्षदेखि अलपत्र रहेको गोर्खा स्मारकको निर्माण कार्य अब तिव्र गतिमा अघि बढने

   २ माघ २०७६, बिहीबार १८:५२      759 views

स्याङजाको फेदीखोला गाउँपालिका वडा नं १ मा पर्ने साल्मेडाँडामा विगत लामो समयदेखि निर्माणको क्रममा रहेको गोर्खा स्मारकको काम अब तिव्र गतिमा अघि बढने भएको छ ।

निर्माण शुरुभएको ७ वर्ष भन्दा बढी समय भएपनि पटकपटक विवाद र आर्थिक अभाव खेपेको परियोजना तीन वर्षदेखि अलपत्र अवस्थामा थियो । अब भने यो परियोजनाले मुर्त रुप लिने आज पोखरामा गोर्खा स्मारक ट्रष्टको नव निर्वाचित कार्य समितिले आयोजना गरेको पत्रकार सम्मेलनमा जानकारी दिइएको छ ।


गेसोका संस्थापक अध्यक्ष पदमबहादुर गुरुङको नेतृत्वमा भव्य तामझामका साथ शुरु गरिएको सो महत्वकांक्षी परियोजना सम्पन्न नहुँदै स्वयं अध्यक्ष नै पटकपटक आर्थिक अनियमितताको विवादमा मुछिएपछि योजना बीचैमा अलपत्र परेको थियो ।

हालै गोर्खा स्मारक ट्रष्ट निर्माण समितिमा डब्लु ओटु जंगबहादुर गुरुङको अध्यक्षतामा नयाँ नेतृत्व चुनिएको छ । जसको उपाध्यक्षमा आनबहादुर गुरुङ, सचिवमा प्राध्यपक डा.चन्द्रबहादुर गुरुङ, कोषाध्यक्षमा रत्ना भट्टचन, सह–सचिवमा जंगबहादुर गुरुङ तथा सदस्यहरुमा पुरनध्वज गुरुङ, लालकुमारी गुरुङ, गजेन्द्र गुरुङ, खरीकुमारी गुरुङ, राजकुमार गुरुङ र जसबहादुर गुरुङ रहनुभएको छ ।


अघिल्लो समितिले सन् २०१७ को ३१ जनवरीबाट अलपत्र छोडेको निर्माण कार्य अब आफूहरुको नेतृत्वले सम्पन्न गर्ने नवनिर्वाचित अध्यक्ष जंगबहादुर गुरुङले पत्रकार सम्मेलनमा बताउनुभयो । आफूले जे गर्छ त्यो मात्रै बोल्ने र जे बोल्छ त्यो मात्रै गर्ने भन्दै गोर्खा स्मारकको अधुरो काम आफनो टिमले पुरा गर्ने प्रतिबद्धता जनाउनुभयो ।


यस्तै समितिका सचिव प्रा.डा.चन्द्रबहादुर गुरुङले गोर्खा स्मारकको लागि शुरुदेखि हालसम्म करिब २० करोड रकम संकलन भएकोमा ३ करोडको मात्रै काम देखिएको भन्दै बाँकी हिसाब किताब अघिल्लो समितिसँग आफूहरुले खोज्ने बताउनुभयो ।

गोर्खा स्मारकभित्र जातिय पहिचान झल्किने घरहरु, गोर्खा समाधि, गोर्खा टावर लगायत ५ वटा ठूला परियोजनाहरु निर्माण हुनेछ । अब जनस्तरमा सहयोग जुटाउने नभई नेपाल सरकारको आर्थिक सहयोगमा आफूहरुले बाँकी काम सम्पन्न पत्रकार सम्मेलनमा जानकारी दिँदै यसवर्ष नेपाल सरकारबाट स्मारकको लागि ५ करोड रकम विनियोजन भएको समेत बताइएको छ ।

0 0 votes
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54
Happy New Year

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: