ताजा खबर

हाइड्रोको सुरूङभित्र फसेका चारजनामध्ये तीनको शव फेला

   १८ कार्तिक २०७६, सोमबार १८:४०      907 views

बझाङ । बझाङमा निर्माणाधीन कालंगा हाइड्रो प्रालिको सुरूङभित्र फसेका मजदुरमध्ये तीनजनाको शव फेलापरेको छ ।

सोमबार उद्धारका लागि गएको सशस्त्र प्रहरीको विशेष टोलीले सुरुङको प्रवेशद्वारबाट करिब एक किमि पर तीनओटा शव फेलापारेको हो ।

बुंगल नगरपालिकामा निर्माण भइरहेको सो हाइड्रोमा आइतबारदेखि चार मजदुर फसेका थिए । अर्का एक मजदुरको अवस्था अझै अज्ञात रहेको जनाइएको छ । 

सशस्त्रको उद्धार टोलीले तीन शव फेलापारे पनि शव भने बाहिर निकालिएको छैन । निकाल्ने प्रयास जारी छ । उद्धारकार्य भइरहेको छ ।

सशस्त्र प्रहरी बल विपद् व्यवस्थापन तालिम शिक्षालय कुरिनटारबाट चारजना र दिपायलबाट पाँचजना गरी ९ जनाको उद्धार टोली सोमबार दिउँसो घटनास्थलमा पुगेको थियो ।

आइतबार दिउँसो सुरूङभित्र पसेका ६ जनामध्ये दुईजना आइतबारै बाहिर निस्किएका थिए ।

सुरूङभित्र गएका दुईजना सास फेर्न गाह्रो भएपछि बाहिर निस्किएका र चारजनाको अवस्था आइतबारदेखि अज्ञात रहेको थियो ।

सुरुङभित्र फस्नेमा दैलेखको गुराँस गाउँपालिका–३ घर भएका ३२ वर्षीय महेन्द्र शाही, सो ठाउँका कर्ण शाही, अछामको तुर्माखाँद गाउँपालिका–६ का २८ वर्षीय महेन्द्र साउद र बझाङको बुंगल नगरपालिका–१ का ३५ वर्षीय शेरसिंह धामी हुन् ।

घटनास्थलमा प्रमुख जिल्ला अधिकारी उमेश पाण्डेयसँगै नेपाल प्रहरी, सशस्त्र प्रहरी र नेपाली सेना खटिएका छन् । बझाङ सदरमुकाम चैनपुरबाट घटनास्थल पुग्न गाडीमा करिब ६ घन्टा लाग्छ ।

0 0 votes
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54
Happy New Year

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: