ताजा खबर

१५ लाख ४८ हजारको लागतमा याङजाकोटको झयाली पोखरी पुनःनिर्माण

   २६ आश्विन २०७६, आईतवार २१:१९      2,178 views

कास्कीको मादी गाउँपालिका वडा नं ३ याङजाकोटमा गाउँको बीचमा रहेको प्राचीन ऐतिहासिक झयाली पोखरीको पुनःनिर्माण गरिएको छ ।

गाउँपालिकाको आयोजना र पहलमा सो पोखरीको पुनःनिर्माण गरि पोखराको बीचमा भगवान बुद्धको मूर्ति स्थापना गरिएको छ भने पोखरीको चारैतिर तारबारले घरेर संरक्षण गरिएको छ ।
यसरी पुनःनिर्माण गरि संरक्षण गरिएको पोखरीको आज एक कार्यक्रमका बीच मादी गाउँपालिका अध्यक्ष वेदबहादुर गुरुङ (श्याम)ले उद्घाटन गर्नुभयो ।

सो अवसरमा बोल्दै उहाँले आफूहरुको योजनामा गाउँलेहरुले पनि साथ दिएकाले योजना तोकिएकै समयमा चित्ता बुझदो ढंगाले सम्पन्न भएको भन्दै खुसी व्यक्त गर्नुभयो । कतिपय अवस्थामा योजना र पैसा मात्रै भएर काम सम्पन्न नहुने भन्दै यसलाई सम्पन्न गर्न नेतृत्व गर्न व्यक्तिहरुको पनि त्यतिकै ठूलो भूमिका रहने बताउनुभयो ।


अबदेखि याङजाकोटमा बुद्ध जयन्ती मेला लाग्दा पोखरीको बुद्ध मूर्तिमा पूजा गरेर मेला सुरु गर्न सकिने समेत उहाँले बताउनुभयो । पोखरीको अहिले उदघाटन भएतापनि अझै यसको धेरै रंगरोगनको काम बाँकी भएको भन्दै पोखरीको वरिपरि बाटो ढलान गर्ने, फूल रोप्ने बत्ती जडान गर्ने लगायतको धेरै काम बाँकी नै रहेको र पोखरीलाई अझै सुन्दर बनाउने योजनामा आफूहरु रहेको उहाँले बताउनुभयो ।

अर्को प्रसंगमा बोल्दै उहाँले गाउँपालिकाको केन्द्र याङजाकोटमा राख्ने निर्णय राजपत्रमा प्रकाशित भईसकेको भन्दै यसलाई अब कसैले परिवर्तन गर्न नमिल्ने बताउनुभयो ।


आफूहरुले गाउँपालिकाको भवन बनाउन बजेट छुटाउनेदेखि भवनको डिपिआर तयार गर्ने र नक्सा बनाउने सबै काम सकेर निर्माणको लागि तयारी भएर बसेको भन्दै अब स्थानीय जनताले गाउँपालिकाको नाममा जग्गा पास गरिदिनुपर्ने भएकोले यसको लागि सहयोग गर्न सबै जनतासँग आग्रह गर्नुभयो ।


मादी गाउँपालिकामा अहिले १० वटा मोटेरेबल पुल निर्माणको चरणमा रहेको भन्दै यसमा करोडौ लगानी भईरहेको बताउनुभयो । यस्तै सिक्लेसको बाटो पिच हुने काम अघि बढी सकेको र याङजाकोटको बाटोको लागि पहिलो चरणको टेन्डर रद्ध भएकोले अब छिटै दोस्रो चरणको टेन्डर आवहन गरेर पिचको प्रक्रिया अघि बढाउने बताउनुभयो । साथै उहाँले ज्याउदु दोबाटो मोटर बाटोको स्तर उन्नतिको लागि केन्द्रिय सरकारको बजेट परेको भन्दै अब त्यसको काम छिटै सुरु हुने बताउनुभयो ।

कार्यक्रममा वडा नं ४ का वडा अध्यक्ष सत्यराज सापकोटा, ११ का अध्यक्ष मित्र गुरुङ, ३ का अध्यक्ष मनबहादुर गुरुङ, वडा सदस्य धनमाया गुरुङ, याङजाकोट तमू समाज पोखराका अध्यक्ष सु.चन्द्रबहादुर गुरुङ, मादी गाउँपालिकाका कार्यकारी अधिकृत युवराज अधिकारी लगायतले बोल्नुभएको थियो ।


झयाली पोखरी निर्माण उपभोक्त समितिका अध्यक्ष सुर्य गुरुङको अध्यक्षतामा सम्पन्न भएको कार्यक्रमको सञ्चालन सचिव नन्दजंग गुरुङले गर्नुभएको थियो । भने कोषाध्यक्ष जुनकुमारी गुरुङले स्वागत मन्तव्य राख्नुभएको थियो ।

करिब १५ लाख ४८ हजार ७ सय रुपैयाको लागतमा सो पोखरीको पुनःनिर्माण गरिएको हो ।

0 0 votes
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54
Happy New Year

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: