ताजा खबर

साउन १२ गते पोखरामा एकल राष्ट्रिय लोक नृत्य प्रतियोगिता हुने बिजेतालाई एक लाख पुरस्कार

   २६ असार २०७६, बिहीबार १२:०१      1,282 views

लोकस्रष्टा साधक तथा शिल्पी स्व.कल्याण शेरचनको ७३औं जन्म जयन्ती आगामी साउन १२ गते पोखरामा विभिन्न कार्यक्रमको आयोजना गरि मनाउने भएको छ ।

जन्म जयन्तीको अवसर पारेर कल्याण शेरचन स्मृति प्रतिष्ठान तथा साँस्कृतिक संस्थान काठमाडौंको संयुक्त आयोजनामा राष्ट्रिय खुल्ला एकल लोक नृत्य प्रतियोगिता आयोजना गर्ने भएको छ । महिला र पुरुष दुवै विधामा प्रतियोगिता सञ्चालन हुनेछ । पोखरा उद्योग वाणिज्य संघको सभाहलमा साउन १२ गते कल्याण शेरचनको ७३औं जन्म जयन्तीको अवसरमा कार्यक्रम आयोजना हुनेछ ।


प्रतियोगिताको विजेता कलाकारले प्रथम हुनेले १ लाख ११ हजार एक सय ११ र द्धितिय हुनेले ५० हजार ५ सय १५ तथा तृत्तीय हुनेले २५ हजार ५ सय १५ तथा सान्तवना हुनेले १५ हजार ५ सय १५ तथा उत्कृष्ट कोरियोग्राफरलाई नगद २५ हजार ५ सय १५ रुपैंया पुरस्कार प्रदान गरिने आज पोखरामा आयोजित पत्रकार सम्मेलनमा आयोजक कल्याण शेरचन स्मृति प्रतिष्ठानका अध्यक्ष क्या.पूर्णबहादुर गुरुङ ह्योल्मोले जानकारी दिनुभयो ।


प्रतियोगितामा बिजेता महिला कलाकारहरु र पुरुष कलाकारहरुले समान राशीको पुरस्कार पाउनेछ । प्रतियोगिताको लागि कलाकार छनौटको तयारी अन्तिम चरणमा पुगेको र यहि असार २८ गते प्रदेश नं. १ को धरानमा नगेन राइको संयोजकत्वमा धरान अडिशन हुनेछ भने
साउन ५ गते सन्दिप मण्डको संयोजकत्वमा प्रदेश नं २ को राजविराजमा अडिन हुनेछ भने साउन ४ गते सारदा सिलवालको संयोजकत्वमा प्रदेश नं ३ को अडिशन साँस्कृतिक संस्थान जमल काठमाडौंमा हुनेछ । यस्तै असार २८ गते गण्डकी प्रदेशको अडिशन थकाली सेवा समिति नदिपुर पोखरामा मेनकाजी गुरुङको संयोजकत्वमा हुनेछ ।


साउन २ गते प्रदेश नं ५ को अडिशन अनु रजकको संयोजकत्वमा बुटवलमा हुनेछ । साउन ६ गते कर्णाली प्रदेशको अडिशन कुलमान नेपालीको संयोजकत्वमा सुर्खेतमा हुनेछ ।
र असार २८ गते सुदर पश्चिम प्रदेशको अडिशन लिलाधर बास्कोटाको संयोजकत्वमा धनगढीमा हुने भएको छ ।


प्रत्येक प्रदेशबाट एक जना महिला कलाकार र एक जना पुरुष कलाकार छनौट भएर आउने छ भने गण्डकी प्रदेशको हकमा भने दुई जना महिला कलाकार र दुई जना पुरुष कलाकार गरि ४ जना कलाकारले फाइनल प्रतियोगितामा प्रतिश्पर्धा गर्ने आयोजकले जनाएको छ ।
प्रतियोगिता सम्पन्न गर्न २३ लाख ३६ हजार ३ सय ४२ रुपैंया खर्च हुनेछ भने ३५ लाख ८६ हजार ३ सय ४२ रुपैया आम्दानी हुने अनुमान गरिएको छ ।


प्रतियोगिता राष्ट्रिय खुल्ला एकल लोक नृत्य अन्तर ७ प्रदेश बीच हुनेछ भने नृत्य विशुद्ध नेपाली लोक गीतमा हुनुपर्ने आयोजकले जनाएको छ । नृत्य कम्तीमा ४ देखि ७ मिनेटसम्मको हुनुपर्नेछ भने सातै प्रदेशका कलाकार र नृत्य निर्देशकलाई खाना बस्न र यातायातको व्यवस्था आयोजकले गरेको छ । प्रतियोगितामा भाग लिनका लागि कलाकारको उमेर १६ देखि २५ वर्षभित्रको हुनुपर्ने छ ।


प्रतिष्ठानका अध्यक्ष क्या.पूर्णबहादुर गुरुङ ह्योल्मोको अध्यक्षतामा भएको कार्यक्रमको सञ्चालन सचिव श्रीजंग गुरुङले गर्नुभएको थियो ।

0 0 vote
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: