ताजा खबर

कमिसनको खेलले लोकतन्त्र धरापमा, पौडेल

   १ असार २०७६, आईतवार १८:११      636 views

नेपाली कांग्रेसका वरिष्ठ नेता रामचन्द्र पौडेलले राजनीतिक संरक्षणमा ठूला भ्रष्टाचार बढ्दै गएको बताएका छन् । कमिसनको खेलमा लोकतन्त्र र जनतालाई कमजोर बनाउने शैलीमा अर्थतन्त्र नै धरापमा पार्न सरकार लागिपरेको बताएका हुन् ।

नेता पौडेलले कमिसनको चक्करमा मेलम्ची, अपर तामाकोशी, बुढीगण्डकी जस्ता ठूला आयोजनामा सरकारले चलखेल गरेको बताए ।


शैलजा आचार्य आदर्श समाजद्वारा आयोजित भ्रष्टाचार बिरुद्ध नागरिक अभियान कार्यक्रममा नेता पौडेलले कांग्रेसले देश, लोकतन्त्र र नेपाली जनतालाई डुब्नबाट जोगाउने बताए । २ तिहाईको दम्भमा अदालत र अख्तियारलाई कमजोर बनाउँदै आफू अनुकुल बनाउँदै लगेकोमा आपत्ति जनाए । उनले भने, ‘अदालत र अख्तिायारलाई कांग्रेसको साथ छ, दोषीलाई नछोड्नुहोस् ।’ नेता पौडेलले भने, ‘दोषीलाई कारवाही गर्न जनताले नै साथ दिनु पर्छ, तपाइँहरु भन्नुहोस् अख्तियारलाई हाम्रो साथ छ भनेर ।’


साना कर्मचारीलाई केही रकममा कारवाही गरेको देखाउनेमात्र काम अख्तियारको काम नभएको बताउँदै नेता पौडलले भने, ‘शक्ति र सत्तासँग डराउनु दुखद भएको बताए ।

कम्युनिस्टले जनतालाई राहत दिन नसक्ने ठोकुवा गर्दै राष्ट्रको जीवनमा देखा परेको संकटलाई पार गर्न भ्रष्टाचार विरोधी अभियान तल्लो तहसम्म पु¥याउनु पर्नेमा जोड दिए । नेपाली कांग्रेस आफैले बनाएको कानुनमा आफ्नै नेता परे पनि नछोडेको बताउँदै वर्तमान ओली सरकार भ्रष्टाचारीको सरंक्षण र बचाउमा लागेको आरोप लगाए । प्रजातन्त्रलाई कमजोर बनाउन सिद्धान्त र नीति विपरीत काम गरे पनि भ्रष्टाचार हुने बताउँदै नेता पौडेलले नीतिगत भ्रष्टाचार निरुत्साहित गर्नु पर्नेमा जोड दिए ।


देशलाई असफल बनाउने खेलमा नेपाली कम्युनिस्ट लागिपरेको उदाहरण दिँदै नेता पौडेलले कांग्रेसबाट निर्वाचित जनप्रतिनिधिलाई जिम्मेवार र जनतामैत्री भएर काम गर्न निर्देशन दिए ।
नेता पौडेलले भ्रष्टाचारमा नडुबेको पार्टी नेपाली कांग्रेस भएको उल्लेख गर्दै कम्युनिस्टले लगाउने आरोप मिथ्या प्रमाणित हुँदै गएको बताए ।


आदर्श समाजकी नेतृ कमला पन्तको अध्यक्षतामा भएको कार्यक्रममा कार्यपत्र प्रस्तुत गर्दै बुद्धिजीवी हरिबहादुर थापाले शैलजा आचार्य आदर्श नारी भएको उल्लेख गरे । कृषि मन्त्रालय सम्हाल्दा नेतृ आचार्यले भ्रष्टाचारमा मन्त्रालय डुबेको भन्दै राजीनामा दिनुले राजनीतिक नैतिकता उच्च भएको बताए ।


कार्यक्रममा कांग्रेस नेता तारानाथ रानाभाटले पञ्चालयकालमा भन्दा सय गुणा भ्रष्टाचार बढेको आरोप लगाए । जनमतलाई लत्याउनु ठूलो भ्रष्टाचार भएको प्रसंग कोट्याउँदै धर्म, संस्कृति र लोकतन्त्रमाथि भएको खतरा हटाउन शैलजा आचार्य आदर्श समाजले देशभर भण्डाफोर अभियान सुरु गर्न अनुरोध गरे ।

0 0 vote
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: