ताजा खबर

तमू प्ये ल्हु संघमा तीन दिने तमू भाषा तथा लिपि प्रबद्र्धन तालिम सुरु

   २७ बैशाख २०७६, शुक्रबार १९:२७      2,359 views

तमू प्ये ल्हु संघ केन्द्रिय समितिको आयोजनामा आजदेखि पोखरामा तीन दिने गुरुङ भाषा तथा लिपि प्रबद्र्धन तालिम सुरु भएको छ । पोखरा महानगर पालिकाको उप मेयरसँग महिला कार्यक्रम अन्तर्गतको आर्थिक सहयोगमा सो तालिम शुरु भएको हो ।

तालिमको आज एक कार्यक्रमका बीच पोखरा महानगर पालिकाका कार्यपालिका सदस्य राधिका शाहीले उद्घाटन गर्नुभयो । सो अवसरमा बोल्दै उहाँले उपमेयरसँग महिला कार्यक्रम अन्तरगत महिलाहरुलाई क्षमता, व्यक्तित्व, नेतृत्व र उद्योग व्यवसायमा अघि बढाउन प्रेरित गर्दै आएको भन्दै यो तालिमले महिलाहरुलाई अन्य क्षमतासँगै आफनो भाषा लिपिलाई कसरी प्रबद्र्धन गर्न सकिन्छ भन्ने बारे सहयोग पुग्ने बताउनुभयो ।

नेपाल अनेक भाषाभाषी र जातजातिको देश भएको भन्दै सबैले आफनो भाषालाई जोगाउन जरुरी रहेको उहाँको भनाई छ । कार्यक्रममा तमू प्ये ल्हु संघका केन्द्रिय अध्यक्ष हितकाजी गुरुङ, पूर्व अध्यक्षहरु ले.इन्द्रबहादुर गुरुङ र क्या.रुपबहादुर गुरुङ लगायतले तालिमको सफताको शुभकामना व्यक्त गर्नुभएको थियो ।

तालिम संयोजक एवम तमू प्ये ल्हु संघका केन्द्रिय महासचिव शान्ती गुरुङको अध्यक्षतामा सम्पन्न भएको तालिमको उद्घाटन कार्यक्रमको सञ्चालन केन्द्रिय कोषाध्यक्ष कञ्चन गुरुङले गर्नुभएको थियो । यसैबीच तालिमको पहिलो दिन आज लिपि तथा तमू भाषाको पृष्ठभूमि विषयमा खडग गुरुङले प्रशिक्षण दिनुभएको छ भने भोलि दोस्रो दिन तमू भाषामा गाउँ ठाउँ पहिचान विषयमा कञ्चन गुरुङ, तमू क्युई र चों क्युई बीचको इतिहास तथा अन्तरसम्बन्ध विषयमा तेजबहादुर गुरुङ तथा भाषा लेखन तथा आदनप्रदान विषयमा शान्ती गुरुङले प्रशिक्षण दिने कार्यक्रम रहेको छ ।

यस्तै तालिमको अन्तिम दिन पर्सि तमू भाषा लेखन शैली सम्बन्धी बुद्धिप्रसाद गुरुङले प्रशिक्षण दिने कार्यक्रम रहेको तालिम संयोजक शान्ती गुरुङले जानकारी दिनुभयो । तालिममा तमू प्ये ल्हु संघका विभिन्न शाखा समितिहरु एवम विभिन्न तमू संघ संस्थाहरुमा आबद्ध ९० जना प्रशिक्षार्थीहरुको सहभागिता रहेको छ ।

0 0 votes
Article Rating

आजको खबर

Follow Us


साह्रै मज्जाको लेख, आनन्द आयो, आफ्नै गाँउघर पनि सम्झे । धन्य एकेन्द्र सर

Written by Biswasdip Limbu 2020-05-01 22:46:38

outstanding biography of yukta dai, may him long live

Written by ram chandra gurung 2020-01-08 02:54:15

Great achievement, kudos All Gurungs!!!

Written by Aalok Ghonday Ghotaney Konmey 2019-07-09 20:19:54
Happy New Year

उस्तै खबर

0 टिप्पणी

Subscribe
Notify of
guest
0 Comments
Inline Feedbacks
View all comments


खबरको दुनियाँमा तपाई हाम्रै घर आँगनको साथी

सम्पादक : रोश्मी गुरुङ

बजार व्यवस्थापक: रमेश गुरुङ

Find Us

Stay connected and report to us!


NayaBazar, Pokhara, Nepal
+977-9846637284

Shares
0
Would love your thoughts, please comment.x
()
x
%d bloggers like this: