लमजुङ सेवा समिति हङकङका कोषाध्यक्ष ओम गुरुङलाई पितृ शोक

लमजुङ सेवा समिति हङकङका कोषाध्यक्ष तथा युवा समाजसेवी ओम गुरुङलाई पितृ शोक परेको छ । गुरुङका बाबा नन्दरास गुरुङको गएराती पाटन हस्पिटल काठमाडौमा उपचारको क्रममा ८७ वर्षको उमेरमा निधन भएको हो ।

लामो समयदेखि उच्च रक्तचापबाट ग्रसित हुनुभएका उहाँको उपचारकै क्रममा हस्पिटलमा निधन भएको हो ।

लमजुङको क्व्हाेंला सोंथर गाउँपालिका वडा नं. ७ कुमलुङ स्थाई घर भई हाल पोखरा ११ रानीपौवामा बसोबास गर्दै आउनु भएका उहाँ सामाजिक काममा अत्यन्तै सक्रिया हुनुहुन्थ्यो भने घाँटु र कृष्ण चरित्र नाचको गुरु समेत हुनुहन्थ्यो ।

गुरुङको पार्थिव शरिरलाई पोखरा ल्याई आजै गुरुङ परम्परा अनुसार पोखरा रामघाटमा दहसंस्कार गरिएको छ । अन्त्येष्टि कार्यक्रममा गण्डकी प्रदेशका मुख्यमन्त्री पृथ्वीसुब्बा गुरुङ, विभिन्न संघ संस्थाका प्रतिनिधि लगायतको उपस्थिती रहेको थियो ।

स्व.गुरुङको श्रीमती, दुई जना छोरा र तीन जना छोरी हुनुहुन्छ जेठा छोरा ओम गुरुङ विगत लामो समयदेखि हङकङमा परिवार सहित बस्दै आउनु भएको छ हाल उहाँ लमजुङ सेवा समिति हङकङको कोषाध्यक्ष समेत हुनुहुन्छ ।