खिलाङ पोखरा युवा समितिको भेटघाट कार्यक्रम सम्पन्न

मादी १ का वडा सदस्य टिकाराम गुरुङको सहयोगमा

कास्कीको मादी गाउँपालिका वडा नं. १ खिलाङमा जन्म भई हाल विभिन्न पेशा व्यवसाय र रोजगारको शिलशिलमा पोखरा आई बसोबास गर्ने युवाहरुको साझा संस्था खिलाङ पोखरा युवा समितिको भेटघाट कार्यक्रम सम्पन्न भएको छ ।

खिलाङका बासिन्दा युवा व्यवसायी तथा वातावरणविद कुशल गुरुङको प्रमुख अतिथ्यतामा कार्यक्रम सम्पन्न भएको थियो । सो अवसरमा बोल्नुुहुँदै उहाँले युवाहरु केहि सिप सिकेर आफनै देशमा स्वरोजगार बन्नुपर्नेमा जोडदिनुभयो ।

सिप सिक्यो भने जुनसुकै र जस्तोसुकै ठाउँमा पनि मानिसले आफूले काम गरेर खाना सक्ने भन्दै अहिलेको युवाहरुलाई विदेशिने सोच बनाउनु भन्दा सिप सिकेर स्वदेशमै आत्मानिर्भर हुन आग्रह गर्नुभयो ।

कार्यक्रममा खिलाङ समाज पोखराका अध्यक्ष क्या.गणेश गुरुङ, सचिव पूर्णबहादुर गुरुङ, मादी १ का वडा सदस्य टिकाराम गुरुङ, काँहुखोला दुधपोखरी ग्रामिण सडक समितिका अध्यक्ष गोलमान गुरुङ, युवा समितिका सल्लाहकार रनध्वोज गुरुङ लगायतले युवाहरुको सक्रियता उद्यमशीलताका विषयमा जोड दिदैं आफनो भनाई राख्नु भएको थियो

। कार्यक्रममा थन्कु देउराली युवा क्लबको तर्फबाट विभिन्न साँस्कृतिक कार्यक्रम समेत प्रस्तुत गरिएको थियो ।

युवा समितिका अध्यक्ष एवं थन्कु देउराली युवा क्लब खिलाङका संस्थापक अध्यक्ष झलक गुरुङको अध्यक्षतामा सम्पन्न भएको कार्यक्रमको सञ्चालन युवा समितिका सचिव तथा पधेंरी गुरुङ किचनका सञ्चालक टेकनसिंह गुरुङले गर्नुभएको थियो ।